Aktiwiteite

Aktiwiteite

Hierdie is skaapwêreld en die laaste naweek in Augustus is almal en alles in en om die dorp in rep en roer wanneer die jaarlikse Vleisfees plaasvind.

Vanjaar word die fees vir die 28ste keer aangebied en die hoofdoel daarvan is steeds om die lekker skaapvleis van die streek te bevorder. Destyds is besluit dat die verskillende snitte van die skaap in proe-porsies te koop aangebied sou word deur die onderskeie boereverenigings van die distrik met die Calvinia Landbou-Unie as beskermliggaam.

Daar word by die vleiskos ook musiek- en arena-vermaak bygewerk. En siedaar, vanjaar se wenresep lyk nog nes daardie destydse een!